Paris, Risaw:
Ka France, ka la pyntip ïa ka jingpang Shamonda, kaba ju lap ha ki jingri, ha ka sngi Thohdieng, ha uwei u nongpang hapoh jaka ai jingsuamr, uba la khlad noh, watla ki bor pynïaid, ki ong ba kam don kano kano ka jingma, na ka bynta ki paidbah nongshong shnong.
La suba ba utei u briew u la shah ktah ha u khniang ha ka thain mihngi jong ka ri France ha kaba u la iaid kylleng kylleng hapdeng ki mrad mynta ka por tlang bad lyiur, la ong ka sorkar ha ka kyrwoh.
Une u briew u la shah sumar ha Lyon na ka jingpang kaba shyrkhei kaba khlem don jingiadei bad kane ka jingpang, la iathuh u heh jong ka tnat ka koit ka khiah jong ka France ha ki nongthoh khubor.
Une u briew uba la iap, u don ha ka rta kaba 60 snem shaneng bad u sah ha ka thain Lyon, ong ka khubor jong katei ka thain, Le Progres.
Ka tnat ka koit ka khiah jong ka UN ka la ong ba ka dang ïakynduh bad ki bor synshar jong ka France halor kane ka jingpang. Da kaba pynshong nongrim ha ki jingtip bad jingtip ba mynta shaphang ka jingsaphriang jong ki khniang jingpang kiba ïajan bha, kane ka dei ka jingjia ba kyrpang jong u briew bad kam lah ban wanrah ïa ka jingsaphriang kaba kham heh ha kane ka por,” ong ka WHO kaba don ha Geneva, kaba pynïaid beit ïa ki jubab sha ki jingeh jong ka koit ka khiah paidbah ha ka pyrthei bad ki jingjia ba kyrkieh.
“Ngi ïakynduh shai ïa ka case kaba ym pat ju jia mynno mynno ruh na ka jingïohi jong ka saian bad ka virus. Ka don ka jingïadei bad ka bor ïada met jong une u briew kaba la tlot bha,” ong u Gregory Emery, khlieh jong ka tnat ka koit ka khiah jong ka France ha ki nongthoh khubor.
“Na ka liang ka koit ka khiah bad ka koit ka khiah paidbah, kam don ka jingpynbna bad kam don ka jingeh”, u la bynrap.
