Taipei, Risaw:
Da ki spah tylli ki liengsuiñ ha ka thaiñ East Asia, ki la shah pynsangeh noh ha ka sngi palei, namar ba ka eriong Champi, kaba khlaiñ bha, ka la bthei hajan ki rud duriaw ba shatei lam mihngi jong ka Taiwan.
Ki skul bad ki ophis ha Taiwan ki la khang katba ka Champi ka la jan sha katei ka ïew. Katba ym pat lah ban tip la kan hiar ne em, hynrei la antad ba katei ka eriong kan wanrah ïa u slap uba 90cm (35in) bad ka lyer kaba jur bha shaphang shatei lam mihngi haduh ka sngi Saitjain.
Uwei u briew u la iap hadien ba la rong noh ïa u da ki um, la iathuh ki bor pyniaid. Ka eriong ka la pynmynsaw ruh ïa 171 ngut ki briew bad pynbor ïa 1,000 ngut kiwei pat ban phet krad.
Ka Champi ka dei kaba khadduh eh na ka jingwan jong ki eriong kiba jur katba ka Super El Niño ka pynshit ïa ka duriaw bah Pacific bad ka pynmih ïa ki eriong. Ha ka por ba ka jur bha ha kaba sdang jong kane ka taiew, ka dei ka eriong kaba jur tam ha ka pyrthei ha une u snem haduh mynta.
Ha ka janmiet jong ka sngi palei, ka Champi ka la beh bha ïa ka lyer kaba stet haduh 191km/h (119mph).
Hadien ba u la iaid lait ïa ka tduh ba shatei lam mihngi jong ka Taiwan bad ki dewlynnong Okinawa kiba don ha ka thain shatei jong ka Japan, la khmih lynti ba u Champi un her halor ki um ha rud duriaw ba shatei lam mihngi jong ka China, shwa ba un kylla kham jngai shaphang shatei lam mihngi sha ka dewlynnong bah jong ka Japan.
Ki tnat mariang ha Taiwan, Hong Kong bad Japan, ki iathuh ba ka khmat jong katei ka eriong, ka khmih lynti, ba kan iaid khlem da poi sha ka khyndew ha Taiwan.
Hynrei, uwei u nongïathuh lypa ha ka tnat treikam jong ka mariang jong ka Taiwan, u la ïathuh ha ka Reuters ba kim lah ban kyntait pura ïa kane – khamtam lada ka eriong ka “sangeh, ka loop ne ka khih na kawei ka liang sha kawei pat” katba ka nang wan.
Ka map kaba pyni ïa ka lynti ba la antad jong ka eriong Champi ha kylleng ka duriaw bah ba shathie. U lain ba la shon da ki dak rong saw u pyni ïa ka lynti ba la thmu jong ka eriong na ki um shaphang mihngi jong ka Taiwan shaphang mihngi lyngba ki ïew Ryukyu shaphang shathie jong ka Japan bad ka ïew Korea.
La khmih lynti ba u slap un jur bha ha ka step jong ka sngi saitjain bad un dang bteng ban ther ïa ka Taiwan haduh ka janmiet jong ka sngi saitjain, la iathuh ka tnat pyniaid mariang jong ka sorkar pdeng.
Ki bor synshar jong ka Taiwan, ki la kyntu ïa ki briew, ba kin jngai na ki rud duriaw bad ki lum.
