Tehran, Risaw:
Ka Iran ka la ai dak ba ka dang pynkhreh biang ïa ka thma bad ka America bad ka la pynmih ïa ki jingbyrngem paidbah pyrshah ïa ka Washington bad ki paralok jong ka ha ka jingthmu kaba paw ban khanglad ïa u President Donald Trump ban sdang biang ïa ka jingïakynad kaba mynta.
Ha une u bnai ba la dep, ki heh shipai jong ka Iran ki la pynjur ïa ki khubor paidbah kiba la kynnoh ba ka Iran ka la shna ïa ki jaka buh tiar thymmai kiba heh kiba la pynkhreh ban pynlait ha ki thong kiba shabar jong ka thaiñ lada jia ba ka US ka sdang biang ïa ki jingïaleh pyrshah kiba la sdang ha u bnai Thow.
Ki heh sorkar jong ka Iran ki la byrngem ban pynïar ïa ki thong jong ki lada ka jingïakynad ka sdang biang, ki lad ki lynti kiba ïaid lyngba kiba kynthup ïa ka jingot ïa ki kor internet hapoh duriaw, ka jingshah thombor ha ki jaka buh jingtip jong ka AI, bad ka jinghiar thma ïa ki jaka tih umphniang bad gas ha ka thaiñ. “Ka pyrthei kan sa lyngngoh,” ong u nongaiktien jong ki shipai riewlum jong ka Iran, u Hossein Mohebbi ha kaba kut jong u bnai ba la dep. “Ngi don ki thong thymmai ki bym pat shah thombor”, u la bynrap.
Haduh hynniew bnai hadien ba ka US bad ka Israel ki la sdang ïa ka thma pyrshah ïa ka Iran, ka jingïakynad ka la sahkut ha ka jinglong kaba la pynlong ïa baroh ban sngewthuh bakla ïa ka jingïalehkai kaba kut jong u Trump bad ka pyrthei kaba ïakhun pyrshah ïa ka jingbymsuk ha ka liang ka ioh ka kot. Baroh ar liang ki la kam ba ki la jop – ka Tehran ka kdew sha ka jingim jong ka bad ka Washington ïa ka jingjulor kaba la wanrah ïa ka sorkar Iran. Ha kajuh ka por, ka sorkar Trump, ka dang bteng ban tynjuh ïa ki lad ki lynti kiba thymmai ha ka liang ka ioh ka kot bad ka kam shipai ban pynbor ïa ka Iran ban aiti noh, kaba ka Tehran, ka la
pyrshah jur.
“Ka thma kam pat kut”, la ong u Mohebbi. “Ka kynhun pahara Islam ka la pynkhreh ialade na ka bynta ka thma kaba jrong,” u la bynrap shuh shuh.
