Jerusalem, Naiwieng:
U Myntri Rangbahduh ka Israel, u Benjamin Netanyahu ha ka Sngi Ba-ar, u la tyrwa ia ka buskit kaba haduh $5 Million ia kino-kino kiba lah ban pynpoi iing biang ia kito kiba shah rahbor ha ka kynhun lehnoh Hamas sha Gaza.
Hynrei u la ong ba kitei kiba lah ban pynpoi ruh, lada don kiba lah, ki dei ban pynpoi ia kitei ki nongshah rahbor ha ka rukom kaba shng-aiñ bad ka ban ym don jingktah eiei ia ka met ne koit-khiah jong ki bad ka sorkar Israel kan siew haduh $5 Million na bynta jong iwei nongshah rahbor ba ioh pyllait im.
Ha katei ka sngi kaba u ai jingkren sha Mediterranean ha Netzarim, la iohi ia u Netanyahu ba u la kup ialade da ki tiar ai jing-iada kiba kynthup ia ka ‘helmet’ bad ka ‘bullet-proof jacket’.
Hynrei lada don kino-kino kiba buh jingma ne ktah kti ia kitei ki nongshah rahbor kiba long ki briew jong ka Israel, u la maham ba ki dei ban kheiñ lypa ba ki la dep iap bad ka Israel kan ym pyllait ia ki.
