New Delhi, Naiwieng:
U Myntri Rangbahduh, Narendra Modi, u la ïakynduh ïa ki nongïalam ba hakhlieh duh jong ki ri Caribbean, hadien ka jingïalang jong ka India-CARICOM Summit bad ïakren ban pynkhlaiñ ïa ka jingïadei hapdeng ki arliang mamla bad ban kyntiew ïa ka jingïatreilang ha ki ba bun ki bynta kiba kongsan.
U Myntri Rangbahduh u la poi ha Guyana shwa kane ka sngi, ka jingleit jngoh kaba nyngkong eh jong u khliehduh jong ka ri India sha kane ka ri ka la long palat ïa ki 50 snem.
U la ïakynduh ïa ki nongïalam jong kine ki ri ha ka Sngi Balang hadien ka jingïalang ba ar jong ka India-Caribbean Community (CARICOM) Summit.
“Ka la don ka jingïakynduh bad u Dr Mohamed Irfaan Ali, President ka Guyana ha kane kane ka la pyni ba ka la don ïa u soh uba bha. U President hi u don ïa ka jingïadei kaba jan bad ka India,” la ong u Modi ha ka jingthoh ba u la phah ha ka rynsan X.
Kine arngut ki nongïalam ki la bishar bniah ïa ka jingïatreilang ha ka roi ka par hapdeng ki arliang mamla, kynthup ha ki bynta kum ka jingpynroi ïa ki sap ki phong, ka jingpynroi ïa ka bor, ka rep ka riang, ki dawai, ka pule puthi bad ka bording. “Ka India kan long beit ka paralok kaba lah ban shaniah na ka bynta ka Guyana ha ki bynta kum ki jingtei, ka jingkit mar, ka teknoloji bad kiwei kiwei,” u la ong, da kaba khot ïa ka jingkyrshan jong ka ri Caribbean na ka bynta ki jingïatreilang ha kiba bun ki liang kum ha ka International Solar Alliance, Coalition for Disaster Resilient Infrastructure and Global Biofuels Alliance “Noteworthy”.
U la ïakynduh ruh ïa ka Myntri Rangbahbuh jong ka Barbados ka Mia Mottley. “Ha ka jingïakynduh, ka Myntri Rangbahduh jong ka Barbados ka la pynbna ïa ka rai jong ka sorkar jong ka ban pynkup burom ïa u Myntri Rangbahduh da ka Honorary Order of Freedom of Barbados Award, da kaba ithuh ïa ka jinglong nongïalam jong u ban ïarap ha ka por ba don ka khlam Covid-19 bad ka jingaiti ha ka jingïadei hapdeng ka India bad ka Barbados, ” la ong ka tnad kam bar ri ha ka rynsan jong ka X.
Ïa kane ka khusnam yn ai ha ka 30 tarik, Naiwieng, ha Barbados, la ong ka khubor.
