Saipung, Naiwieng 22
Ka Lamyrsiang SC ka la ïoh jingjop, katba ka Tluh SC bad Shnongrim ki la ïasam mar shi poiñ ha ka lympung ïalehkai Super Division Football Tournament ba la pynïaid da ka Saipung Block Sports Association (SBSA) ha madan Lymyrsiang ha ka sngi Thohdieng.
Ha jingïalehkai ba nyngkong hapdeng ka Tluh SC bad Shnongrim SC ki la kut noh ha ka jingïakhaid khlem da lah ban pynkhih jar.
Ha ka jingïalehkai kaba bud, ka Lamyrsiang ka la pynliem ïa ka Narwan da 2-0 kol. Ïa kine ki kol la thep da u Dominic Sungoh ha ka minit 9 bad Sani Phawa ha ka minit kaba 54.
Ka jingïalehkai mynta ka sngi kan long hapdeng ka Mulait Bri Sumer bad Pyrdung SC ha ka por 11:30 baje mynstep, ka Jalaphet Bri Sumer bad Mulait United FC ha ka por 1:30 baje nohphai sngi.
