Shillong, Naiwieng 22
Ka kynhun ki rangïalehkai ka Jylla kan pynkhreh ïa ka jingïalehkai kriket T20 kaba nyngkong jong ka Syed Mushtaq Ali Trophy 2024-25 pyrshah ïa ka Hyderabad ha ka Sngi Saitjaiñ.
Kumba long kiwei pat ki synjuk kiba la pynïasoh sha ka BCCI, ka Meghalaya Cricket Association (MCA) ka la ju don bynta ha ka Ranji Trophy kaba nyngkong eh, hynrei mynta la sangeh shipor na ka bynta ban sdang pat ïa kane ka jingïakhun jong ka Meghalaya ka ban long ha Rajkot, Gujarat.
Ka komiti jied ïa ki rangbah jong ka MCA ka la shim ïa ka rai halor ka jingpynlong ïa ka kynhun ïalehkai jong ka jylla na ka bynta ki lai tylli ki jingïalehkai ba nyngkong jong kane ka lympung- pyrshah ïa ka Hyderabad ha ka 23 tarik mynta u bnai, kumjuh ïa ka Madhya Pradesh ha ka 25 tarik bad ïa ka Bihar ha ka 27 tarik. Yn bishar bniah ïa ka jingjied katkum ka rukom ïalehkai jong ki.
Ka kynhun ka long kaba bun kumjuh kum ha ka Ranji Trophy, hynrei tang katto-katne ki jingpynkylla kiba kham hakhmat ha kaba u Kishan Lyngdoh um don bynta ha kane ka kynhun kaba don 15 ngut bad um shym la ïalehkai ha ka SMAT jong ka samoi ba la dep ruh. Ka MCA kam pyndonkam ruh ïa uno-uno na ki lai ngut ki guess player kiba kham triem bha kiba la pyndonkam ha ka Ranji Trophy.
Ka kynhun ïalehkai jong ka Meghalaya na ka bynta lai tylli ki jingïalehkai ba nyngkong ki long u Aryan Borah, Akash Kumar Choudhary, Anish Charak, Arpit Bhatewara, Arien B Sangma, Dippu Sangma, Himan C Phukan, Ibitlang Thabah, Jaskirat Singh Sachdeva, Lerry G Sangma, Ram Gurung, Roshan Warbah, Robert Sangma, Swarajeet Das bad u Wanlambok Nongkhlaw. Kiwei pat kiba la pynap lypa ki long u Chengkam Sangma, Riboklang Hynñiewta, Chaman Pushp, Yogesh Tiwari bad u Pringsang Sangma.
Ki coach ki long u Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer) bad u Monoronjon Momin (Manager).
