Shillong, Naiwieng 25
Ka Umphyrnai SC bad ka Malki SC ki la ïoh jingjop ha ka lympung ïalehkai 1st Division Football League 2024 ba la pynïaid da ka Shillong Sports Association ha ka Lah Sngi U Blei.
Ha kane ka jingïakhun kaba la long ha SSA Stadium kaba ha First Ground Polo, ka Umphyrnai ka la pynliem noh ïa ka Nongrah SC da 5-2 kol.
U Isharwel Mukhim (61 & 63) bad u Primerose Lamat (67 & 85) ki la thep mar ar kol na ka bynta ka Umphyrnai, katba ïa kawei pat ka shi kol ba la thep kham ha shwa da u Robertstar Malngiang (41). Na ka liang ka Nongrah ka la lah ban pynphai kylla ar kol lyngba u Denzil Warjri (29) bad u Sonding Roy Rngaid (85).
Haba phai sha kawei pat ka jingïakhun ba ar, ka Malki ka la pynliem noh ïa ka Nongkseh SC da 2-1 kol. Ïa kine kol la thep da u Elisha Ryntathiang ha ka minit kaba 14 bad u Banïalam Nongrum (76), hynrei ka Nongkseh ka la lah ban pynphai kylla shi kol shwa ban wai lyngba u Firstborn Khongsit ha ka minit kaba 82.
Ka jingïalehkai ha ka Sngi Ba-ar kan long hapdeng ka Lawsohtun SC pyrshah ïa ka Mawkhar SC ha ka por 11:30 mynstep, katba ka Pohkseh SC ïa ka Mylliem SC ha ka por 2:30 nohphai sngi.
