Saipung, Naiwieng 25
Ka Narwan SC bad Pyrdung SC ki la khur jingjop ha ka lympung ïalehkai Super Division Football Tournament ba la pyniaid da ka Saipung Block Sports Association (SBSA) ha ka lah sngi U Blei ha madan Lamyriang.
Ha kane ka jingïakhun ka Narwan SC ka la pynliem noh ïa ka Shnongrim SC da 2-0 kol. Ïa kine la thep da u Heimonmi Dkhar ha ka minit kaba 6 bad Jimy Langstang ha ka minit ba 19.
Haba phai sha ka jingïalehkai kaba bud, ka Pyrdung SC ka la jop da 3-0 kol ïa ka Tluh SC. U Phrangsngi Pakem u la thep ar kol ha ka minit kaba 4 & 35 lem bad u Rahul Bareh (50).
