Shillong, Naiwieng 25
Ka kynhun ki nongïalehkai Jeet Kune Do hapoh ka synjuk jong ka Meghalaya Jeet Kune Do Association (MJKA) ki la wanrah burom ïa ka Jylla da kaba ïoh khur 16 tylli ki takma ksiar, lem bad saw tylli ki takma rupa bad rnong ha ka Northeast Jeet Kune-Do Championship kaba la long ha Cotton University, Guwahati ha ka 24 tarik mynta u bnai.
Ha kane ka lympung katei ka synjuk ka la phah 12 ngut ki khynnah ba kynthup ïa hynriew ngut ki khynnah shynrang bad hynriew ngut ki khynnah kynthei ba la ïalam da u Bah Donny Raphael Ranee, Grand Master bad uba long u nongseng ïa ka Jeet Kune-Do kaba long ka jingïalehkai martial arts sport ha ka Jylla naduh u snem 2013. Ki la don hynñiew tylli ki jylla kiba la wan shim bynta ha katei ka lympung.
Kiba la khur ïa ka takma ksiar ki kynthup ïa u Nangteishaphrang Nongkynrih ha ka Full contact (Senior-52 Kg), Fibeststar Songthiang ha ka Full Contact (Senior-56kg), ka Hammyllienki Dkhar ha ka Light Contact (Senior-48 kg) bad kawei ha ka M/F, ka Lorenza Songthiang ha ka Full Contact/ Senior-60 kg lewm bad kawei ka takkma rupa ha ka M/F. Ïa kiwei pat ki takma ksiar la khur da ka Satisfy Syngkon ha ka Full Contact / Senior -55 kg, Espiranza Songthiang ha ka Full Contact (Senior-52 kg) bads kawei ka ksiar ha ka M/F, ka Baiarihun Myrboh ha ka Light Contact (Sub Junior-32Kg) bad kawei ha ka M/F lem bad ka Priia Myrboh ha ka Light Contact (Sub junior-24 kg).
Ïa ki takma rupa la khur da u Deihi Shyrmang ha ka Light Contact (Junior – 56 Kg), Banbianglang Nongspung ha ka Light Contact (Sub Junior-22kg) bad u Nangshanbor Nongspung ha ka Light Contact (Sub Junior-20 Kg). Ïa kawei pat ka takma rnong la ïohpdiang da u Winningstar Marbaniang ha ka Light Contact (Junior-50kg).
