Shillong, Naiwieng 26
Ka kynhun ki nongïaleh-kai karate ka Jylla hapoh ka shatri jong ka All Meghalaya Karate – Do Association (AMKA) ka la wanrah burom ïa ka Jylla da kaba ïoh khur haduh 12 tylli ki takma ha ka 1st Federation Cup Premier League & Youth League Karate Champion-ship 2024 kaba la long ha nongbah Delhi.
Ha kane ka lympung ïalehkai kaba la sdang naduh 17 haduh 23 tarik mynta u bnai, ka AMKA ka la phah 13 ngut ki khynnah ban leit shim bynta hapoh ka jingïalam u Bah Donboklang Lyng-doh (Coach) ha kaba ka la ïoh khur 3 tylli takma ksiar, 5 tylli takma rupa bad 4 tylli takma rnong.
Ïa ki takma ksiar la khur da u Gregorwilson Makdoh (Junior Male Individual Kata), Davyson Kharkongor (Men Indivi-dual Kumite -50kg) bad u Kynpham Kharkongor (Men Individual Kumite -67kg). Ïa ki takma rupa la khur da u Ram Lanong (Junior Male Individual Kumite -55kg), Ferdinand Samkupar Rani (Junior Male Individual Kata), Damebanmerbha S. Blah (Senior Male Individual Kumite -50kg), Sa-I Ban-manmirbha Blah (Junior Female Individual Kumite -42kg) lem bad ka Barisha Kharbani (Women Indivi-dual Kumite -61kg).
Katba ïa ki takma rnong la khur da ka Cathy Sweety Nongrum (Women Individual Kumite -45kg), Nangkitbok Phira (Men Individual Kumite -55kg) bad u Gideon Tympuiñ uba la khur ar tylli ki rnong ha ka Men Indivi-dual Kata bad Men Individual Kumite -55kg.
Na ka liang ka synjuk ka la ai khublei ïa kitei ki khynnah ïalehkai kiba la wanrah burom ïa ka Jylla lyngba ka jinglah ban khur takma ha katei ka lympung.
