Mawkyrwat, Naiwieng 26
Ka Mawlai SC kan ïakhun pyrshah ïa ka Rymbai Combine SC ha ka Sngi Palei (28 tarik) ha ka lympung ïalehkai Mawlangwir Invitation Football Tournament 2024-25 ba la pynïaid da ka Mawlangwir SC ha madan Rowell Lyngdoh Stadium kaba ha Saitsnad, Mawlangwir, SWKHD.
Kum ban shu kdew, katei ka lympung ka dei kaba heh duh hapoh ka dong ka thaiñ ha kaba ka khusnam kan long da ka song pisa T. 12 lak ryngkat ki trophy.
Na ka liang ka Mawlangwir SC ka la pyntip ruh ba ka dor bai tiket ka long T.100 marwei bad kan don ruh ka jingpynlehkai khalai nusib ïa ki paidbah ‘riew ïeit phutbol ha katei ka sngi. Kumta na ka liang ka Mawlangwir Sport Club ka khot bad wer ïa ki paidbah jong ka dong ka thaiñ ba kin wan ban sakhi ïa katei ka jinglehkai ha katei ka sngi.
