Shillong, Naiwieng 29
Ha kawei jingjia kaba sngewsih kaba la wan jia ha Pune la ong ba uwei u rangïalehkai kriket ba la 35 snem ka rta u la khlad noh na ka jingpang klongsnam katba u dang ïalehkai ha Garware Stadium ha katei ka nongbah ha ka Sngi Palei.
Utei u rangïalehkai uba kyrteng u Imran Patel, u la mih ban tied kum u nongïalehkai ba plie bad u la sdang ban ud ïa ka jingpang shadem bad ka kti hadien ba u la pynlut por katto-katne por ha madan. U la pyntip sha ki umpire kiba don ha madan halor katei ka jingeh bad la ai jingbit ïa u ban mih noh na madan. Katba u dang leit phai biang sha ka jaka sah, u Imran u la kyllon.
Ïa kane ka jingjia baroh kawei la paw lyngba ka kor ringdur katba dang pyni ïa kane ka jingïalehkai. Katba u Imran u dang kyllon, kiwei pat ki nongïalehkai ha madan ki la mareh sha u. Kumta mar-mar la pynkit ïa u sha jaka sumar. Hynrei, hadien ba la bishar bniah da ki doktor, la pynbna ba u Imran u la khlad noh.
Kaba la pynlyngngoh ïa kiba bun ka long ba u Imran u don ha ka koit ka khiah kaba bha haduh katta katta. U la long uba koit-khiah ha ka met hynrei ka jingpang klongsnam ka la wan. Namar ba u long u nongïalehkai ba lah ban ïalehkai ha baroh ki liang, u Imran u dei u nongïalehkai uba tbit bha ha baroh kawei ka jingïalehkai. Ka daw jong ka jingkhlad ka jong u, namarkata, ka la pynlyngngoh ïa kiba bun.
“U khlem don kino kino ki dak jong ka jingpang,” la ong u Naseer Khan, uwei pat u nongïalehkai kriket uba la don bynta ha katei ka jingïalehkai. “U don ha ka met kaba koit ba khiah bha. Ha ka jingshisha, u dei u nongïalehkai uba baroh kiba ïeit ïa ka jingïalehkai ha kaba baroh ngi dang sngewlyngngoh halor kane ka jingjia.”
U Imran u la don ka kurim, lai ngut ki khun kynthei lem bad uwei khun shynrang dang ha ka rta 4 snem. U Patel u dei u briew uba paw ha katei ka thaiñ uba don ïa ka kynhun kriket bad wat ruh ïa ka kam die jaka. U la pynïaid ruh ïa ka dukan die umsoh. Ha u Nailur mynta u snem, uwei pat u nongïalehkai kriket uba kyrteng u Habib Shaikh ruh u la khlad noh ha kajuh ka rukom katba u dang ïalehkai ha Pune. Hynrei u Habib, u don ïa ka jingpang kaba don hapoh jong u, namar ba u dei uba pang shini, kaba long pyrshah ïa u Imran, uba la ong ba u don ha ka jinglong kaba koit ba khiah.
