Nawabshah, Nohprah:
Ha kawei ka jingjia kaba shyrkhei hapoh Nawabshah, la ong ba kawei ka longkmie ka la ot pdot ia 2 ngut ki khun lajong ha katei ka thaiñ kaba hap hapoh ka jingkhmih jong ka tnat Airport Police Station. Katei ka long-kmie ka la ot ryndang ia kitei 2 ngut ki khun da ka tari ba ju pyndonkam ha iing bad ha la ki jong ki kamra ba ki shong.
Ia katei ka longkmie la ithuh kum ka Komal Sheikh. Ka la shah bat noh ha ki pulit ka Nawabshah namar ki jingtohkit bniah kiba iadei bad ka jing-leh jingpynkheiñ aiñ jong katei ka briew.
La ong ba ki pulit bad ki kynhun iarap ki la leit poi noh mar-mar hi sha katei ka jaka tang mar ia ioh jingtip halor katei ka jingjia bad ki la pynkit noh ruh mar-mar ia kitei ki khun rit kiba la shah ot pdot ha katei ka long-kmie. Hynrei ka long kaba sngewsih ba ki bor ai jingsumar ruh kim lah shuh ban iarap ne pynim ia kitei ki khun rit bad ki la aiti biang ia ka metiap sha ki bor ka aiñ ban leh ia kaba sah baroh.
Na ka liang ki pulit ki la ioh kurup noh ruh ia katei ka tari ba katei ka longkmie ka la pyndonkam ha katei ka jingjia bad ki la bat noh ia katei ka tiar na ka bynta ka jingtohkit kaba bniah haba iadei bad katei ka kam pynkheiñ aiñ jong katei ka briew.
