Shillong, Nohprah 19
U Nick Kyrgios, u ong ba un sa ïalehkai ‘doubles’ bad u Novak Djokovic, uba mynshwa u long kum u nongshun hynrei mynta kum u paralok, ha ka Brisbane International, ka ban sdang ha kaba kut jong une u bnai, ha ka jingpynkhreh ïa ka Australian Open.
U Kyrgios u la ai kyrteng ïa une u rangïaleh -kai bakhraw jong ka Serbia kum u “tiar” ha u snem 2021, hynrei ka jingïadei ka la nangkham sngur naduh katei ka por bad une u rangïalehkai na Australia u la buh ïa ka dur ha ka Instagram jong ki ba ki dangïaid shabar ha Wimbledon bad ka jingthoh kaba ong: “Ka jingïa-lehkai arsien ha Brisbane.
Ka Brisbane Interna-tional kan sdang ha ka 29 tarik mynta u bnai da ka Grand Slam kaba nyngkong eh jong u snem, ha Melbourne, ka ban sdang ha ka 12 tarik u Kyllalyngkot.
U Kyrgios uba dang 29 snem ka rta uba sngewtynnad ban wanphai biang hadien ba u la shu ïalehkai tang khyndiat eh ha kine ki ar snem ba la dep hadien ba u la mynsaw bunsien.
