Shillong, Nohprah 20
Ka lympung ïalehkai Women’s Football League 2024 ba la pynïaid da ka Shillong Sports Association (SSA) ka la nangjam shaphrang ha kaba ka Kharang SC ka la pynliem noh ïa ka Mawpat SC da 8-0 kol ha ka Sngi Thohdieng.
Ha kane ka jingïakhun kaba la long ha SSA Stadium, Polo, ka Imaya Shylla ka la ïoh hat-trick hadien ba ka la lah ban thep saw kol ha ka minit kaba 10, 17, 47 & 48. Katba ïa kiwei pat kol la thep da ka Shimtilang Thongni (32 & 54), Barihun Wahlang (14) bad ka Daphishisha Syngkli (56).
Ha kawei pat ka jingïakhun kaba la long kham ha shwa hapdeng ka Nongrim Hills SC bad ka New Challengers, ki la ïasam mar shi point hadien ba kim shym la lah ban thep kol haduh kaba kut ka jingïalehkai.
Ki jingïalehkai ha ka Sngi Saitjaiñ kin long hapdeng ka Madanryting SC pyrshah ïa ka Laitkor SC ha ka por 10 baje mynstep, kumjuh ka Rangdajied United FC ïa ka Smit SC ha ka por 12:15 mynsngi.
