Seoul, Kyllalyngkot:
Ki heh ka tnat tohkit jong ka South Korea, ki la pynsangeh noh ïa ka jingpyrshang jong ki ban phah kem ïa u President Yoon Suk Yeol, uba la shah pynrem ha ka ïing sah jong u, ha ka Sngi Thohdieng halor ka jingpynlong jong ka jingïakhun pyrshah ïa ka aiñ shipai, da kaba kdew ba ka don ka jingbym shngaiñ hadien ka jingïakynad bad ka kynhun pahara jong u.
U Yoon, ba la dep shah pynsangeh na ka kam ha ki bor ka aiñ, un long u President ba nyngkong eh ha ka khana-pateng jong ka South Korea ban shah kem lada pyntreikam ia katei ka hukum ba la dep pynmih ha kine ki khyndiat por ba la leit.
Une u President, uba la pynmih ïa ka jingpynbna kaba la pynkhih win ha ka 3 tarik u Nohprah, kaba la pynkhih ïa ka synshar paidbah kaba thymmai jong ka Asia Mihngi bad kaba la pynphai biang ïa ka lyngkot sha ki sngi kiba dum jong ka jingsynshar shipai, bad kumta la ong ba une u President u lah ban mad ïa ka jingshah set patok lane kaba sniew tam, kaba lah ruh ban poi shaduh ka rai shah pyniap.
Ka por ba khatduh ban ai ia katei ka hukum ka dei ha ka Sngi Nyngkong, kaba la wanrah ia ki kynrum- kynram bad u Yoon u la pyrshah, da kaba kular ha kaba sdang jong kane ka taiew ban ialeh pyrshah ia ki bor synshar kiba wad ban kylli jingkylli ia u.
Ki nongtohkit CIO kynthup ïa u nongmudui ba rangbah u Lee Dae-hwan ki la shah pyllait kham mynshwa lyngba ki jingkhang pahara kiba jur ban rung shapoh katei ka jaka sah ban pyrshang ban pyntreikam ïa ka hukum jong ki ban set ïa u Yoon.
Hynrei ki shipai kiba don hapoh ka tnat pahara jong u President ha ki por ba la leit, ki la leit ïashim bynta ha ka jingïaleh pyrshah bad u CIO ha ka ïing sah jong u president.
Shwa ba yn pynsangeh noh ïa ka jingpyntreikam ïa ka hukum ba la mynjur da ka ïingbishar, ki jingtip ba bniah jong ka pahara jong u Yoon ki la ïathuh ha ki nongthoh khubor ba ki dang iakren bad ki nongtohkit ka CIO kiba la leit ban ïakynduh ïa u president.
Ka tnad pahara jong u Yoon — kaba dang iada ia u Yoon kum u khlieh duh jong ka ri kaba shong ha ka ri — ka la khanglad mynshwa ia ki jingpyrshang jong ki pulit ban leit khynra ia ka ophis jong u president.
Ka kynhun aiñ jong u Yoon, kaba la mareh sha katei ka jaka sah bad ka tnat pathai khubor ka la iohi ba la shah ban rung shapoh — ka la pynrem ia ka jingpyrshang ban pyntreikam ia ka hukum kem, da kaba kular ban shim ia ki sienjam aiñ pyrshah ia katei ka jingleh.
Ha ka Sngi Thohdieng, ki nongmudui ki la pynngat ruh ïa 2 ngut ki heh shipai kynthup ïa uwei uba la shah jied shipor kum u nongïalam jong ka aiñ shipai ha ka por ba la jia ka jingïakynad ha u bnai ba la dep, halor ka jingkynnoh ba ki la leh pyrshah bad baroh 2 ngut ki la don lypa hapoh patok naduh katei ka por.
Da ki phew tylli ki bos pulit bad da ki spah ngut ki pulit kiba phong uniform, ki la ieng laiñ ha surok shabar jong ka compound hapdeng jong ka nongbah Seoul.
Kumba 2,700 ngut ki pulit bad 135 tylli ki bos pulit la pynpoi sha katei ka jaka ban pynkhreh lypa khnang ba kin lah ban tehlakam lada mih kino- kino ki jingiakynad.
