New Delhi, K’lyngkot:
U heh ka tnat Cybersecurity, u Amit Yoran, u la khlad noh ha ka Sngi Thohdieng ha ka rta ba 54 snem hapdeng ka jingiakhun jong u ia ka jingpang bampong. Namar kumba la iohi ia ki jingpynbna na katei ka tnat ha u Nohprah jong u snem ba la leit, la iathuh ba u Yoran un ieh noh shwa ia ka kam kum u CEO jong katei ka tnat shipor katba u dang ialeh ban pynbiang ia ka jingbym biang ha ka met jong u bad kumjuh ruh ban nang ioh ban pyndep ia ki jingsumar ba iadei bad katei ka jingpang bampong.
Ha katei ka jingsangeh treikam shipor jong u kum u CEO, ka Tenable Holdings’ Board of Directors, ka la thung pat ia u CFO Steve Vintz bad COO Mark Thurmond kum ki Co-CEOs jong katei ka tnat. Hadien ba la bna khubor shaphang ka jingkhlad noh jong utei u heh jong ka, katei ka
kompeni ka la pynbna ba u Vintz bad u Thurmond kin dang bteng hi ban ialam ia ka tnat kum ki Co-CEO ki ban mih mujli ha ka jaka jong utei u CEO ba la khlad katba kim pat lah ban sei da uwei pat u nongialam ban mih bujli ha ka jaka u Yoran.
