Ras Tanura, Jylliew:
Ha kane ka khubor, la ong ba katei ka liengsuiñ ‘helicopter’ jong ka kompeni umphniang ‘Aramco’ jong ka Saudi, ka la leit hap bakla ha ka Sngi U Blei hapoh Ras Tanura, ha kaba 14 ngut kiba shong hapoh jong katei ka liengsuiñ, ki la duh ei noh ia la ka jingim.
Baroh kitei ki 14 ngut kiba khlad ki dei ki nongshong shnong jong ka Saudi.
“Ka tnat bor ding ka sngewsih ban pynbna ba ka liengsuiñ ba la pynïaid da ka Saudi Aramco ka la hap ha Ras Tanura ha ka Sngi U Blei, ka 28 tarik u Jylliew, 2026, ha ka por kumba 6:00 baje mynstep.
Watla katta, ym shym la tip ia ka daw jong ka jinghap katei ka liengsuiñ, la ong ka tnat bad bynrap ba ka jingtohkit ka dang iaid shakhmat.
Ka Ras Tanura ka don ha ka phang Mihngi jong ka duriaw Hormuz. Ka Aramco ka la sdang biang ïa ka jingkit umphniang jong ka ha ka Sngi Thohdieng ha ka jaka buh umphniang kaba kongsan ha Ras Tanura ha ka Gulf hadien ba la sangeh ïa ki kam la jan saw bnai namar ka thma hapdeng ka US bad ka Israel bad ka Iran ha Middle East.
Ka Saudi Arabia, kaba dei ka ri kaba heh tam ka umphniang ha ka pyrthei, ka la ïasnohkti lang ha ka jingkynran dien ban pynkynriah ïa ki mar, hadien ba ki nongpynmih umphniang na Middle East, ki la pynkiew ïa ka jingpynmih umphniang bad gas bad ka jingshalan shabar, ha shwa jong ka jingïateh kular ba shipor ban pynsangeh ïa ka thma hapdeng ka America bad ka Iran.
