Kentucky, Jylliew:
Ki pulit jong ka Kentucky, ki la iathuh ba la ioh kem ia 2 ngut ki runar kiba don kti ha ka jingshalan ia u droks ha katei ka nongbah, hadien ba ki la talasi bad lap ia u droks na kawei ka pla kaba la buh ia ka jingthoh ‘definitely not a bag full of drugs’, kaba mut ‘kam dei ka pla kaba dap da u droks’. Ia kitei ki 2 ngut la ithuh kum ka Tricia Croley, 51 snem ka rta bad u Damon Bennett, 48 snem ka rta, kiba long ki nongshong shnong jong ka nongbah Williamsburg, ha kaba la ioh kem ruh ia ki na kawei ka kali kaba don hapoh ka jaka pynieng kali jong ki nongtrei kawei ka dukan.
Hadien ba la kylli jingkylli da ki bor jong ka aiñ, ka Croley ka la aiti noh ha ki pulit ïa kawei ka pla plastik kaba don ïa ki dawai ba la khang pyrshah bad kawei pat ka pla kaba don ïa ki dawai tablet. La kynnoh ruh ba ka la ai sha ki bor pyniaid ia ka ID jong uwei pat u riew shimet.
“U nongtohkit jong ka Laurel Sheriff u Justin Taylor u la kem ia ka Tricia Croley, 51 snem ka rta, na Williamsburg, KY
bad ia u Damon Bennett, 48 snem ka rta, uba dei ruh na Williamsburg, KY.
Katba u dang talasi ia katei ka kali, u Taylor u la lap ia kawei ka pla kaba lieh kaba don ia ka jingthoh ironic. Hapoh katei ka pla, u la lap ia ka mar kaba long kum ka kristal, ka pla kaba don ki sla kiba jyrngam bad katto katne ki tiar pyndonkam drok.
“U nongtohkit Taylor u la lap sa kawei pat ka pla rong saw kaba la thoh “Shisha kam dei ka pla kaba dap da u drok'” hapoh ka kali. La lap ha katei ka pla katto katne tylli kiba la suba ba ki dei ki drok,” la ong ka ophis jong u Sheriff bad bynrap ba baroh arngut la rah sha ka jaka pynshitom jong ka Laurel County.
Ka jingpeit bniah ia u nombar jong ka Croley ka la ai ia ka jingtip kaba dei jong ka. Mynta ka la iakynduh ia ki katto katne ki jingshah kynnoh, kynthup ia ka jingdon ia u dawai ba la teh lakam, bad u Bennett, uba don ia ki kot ki sla kiba dang sahteng, u la shah kynnoh ba um shym la leit mih sha ki bor ka aiñ ha ka por bad ka rukom kaba dei.
Katba u Bennett u la shah pyllait jamin, la khmih lynti ba ia ka Croley pat yn hap ialam hakhmat ka iing kashari ha ka 30 tarik u Jylliew, 2026.
