Shillong, K’lyngkot 14
Ka Meghalaya Sport Clim -bing & Mountaineering Association (MeSCMA) ka la khur 6 tylli ki takma ha ka jingïakop kiewlum ba la tip kum ka North East Sport Climbing Champion-ship kaba la long ha Roing, Lower Dibang Valley, Arunachal Pradesh.
Ïa kane ka jingïakop kaba la sdang naduh 9 haduh 11 tarik mynta u bnai, la pynïaid da ka IMF North East Zone Sport Climbing Committee bad la kyrshan ïa ki nongïalehkai ka Jylla da ka tnat ïalehkai jong ka Sorkar Meghalaya.
Kine ki kynthup ïa u Kyrmenskhem Lyngdoh uba la khur ar tylli ki takma ksiar ha ka Speed climbing bad Lead climbing lem bad ka takma rupa ha ka bouldering climbing jong ki Junior Boys. Ïa kawei pat ka takma rupa la khur da ka Pynkmenlang Lyngdoh ha ka speed climbing jong ka Sub Junior Girls, katba ïa ki takma rnong la khur da Dadapbiang Lyngdoh ha ka Bouldering climbing (Sub Junior Girls) bad u Hamebanker Nongsiej ha ka Speed climbing jong ki Sub Junior Boys.
Ha ka kyrdan ba saw jong ka Sub Junior Girls la ïoh da ka Mebala-aishisha Tham, ba hynriew ka Aijingsuk Lyng-doh bad ba hynñiew ka Idaseisoh Tongper. Ïa ka kyrdan ba saw bad ba san ha ka Sub Junior Boys la ïoh da u Givensamson Lyngdoh bad u Meban-donlang Umsong.
Haba phai sha ka Junior Boys, ïa ka kyrdan ba saw la ïoh da u Lurshai Nongkhlaw, ba san u Benison Mawlong, ba hynriew u Atiar Nongkhlaw bad ba hynñiew u Bankyr-shanlang Tham.
