Moscow, K’lyngkot:
Ha kane ka sien iakynad ba hadien duh, la ong ba ka Ukraine ha ka miet Sngi Nyngkong, ka la ther ‘namding sha ki bynta jong ka Russia, ha kaba 2 tylli ki karkhana jong ka Russia ki la julor bad pynlong ruh ia ki skul sha ka phang Shathie jong ka Russia ba kin khang khyrdep noh shwa shipor.
Katkum ka khubor na ka tnat ïada jong ka Russia, la ong ba ki shipai ka Russia ki la ioh ban siat pynhap haduh 200 tylli ki drone jong ka Ukraine bad la ioh ban siat pynbthei noh ia ki 5 tylli ki ‘namding ATACMS jong ka US ba la pyndonkam da ka Ukraine.
U Alexander Bogomaz, u Lat jong ka nongbah Bryansk ha Western Russia, u la iathuh ba ki shipai jong ka Russia ruh ki la ioh ban pynhiar kput da kaba ther bun tylli ki ‘namding hynrei um shym la pyntip pat ia ki jait ‘namding aiu ba la pyndonkam ha katei ka sien.
