Agartala, Kyllalyngkot:
Ki la don kumba 25 ngut ki briew kiba dei ki nongshong shnong ha ki jaka bapher bapher jong ka Tripura kiba la shah kem ha ka kynhun National Investigation Agency (NIA) ha u snem 2022 bad 2023.
Ka jingtip ba la ïohlum na ka ïingdorbar thawaiñ ka jylla Tripura ka ïathuh ba katkum ki jingthoh ba don jong ka tnad pulit ka Tripura, ki la don 25 ngut ki briew kiba shah kynnoh kiba shong ba sah ha Tripura ki la shah kem ha ka kynhun NIA naduh u snem 2022 haduh u snem 2024.
Ka kaiphot ka ïathuh ba ïa kitei ki briew la kem halor ka jingkynnoh ba ki donkti ha ki kam khaïi briew naduh u snem 2022 bad 2023.
Ka kaiphot ka pyntip shuh shuh ba ha u snem 2022 la kem haduh 11 ngut ki briew katba ha u snem ba la lah la kem ïa 14 ngut ki briew.
Napdeng ki briew kiba la shah kem ki long 4 ngut na Unakoti, 8 ngut na West District, 12 ngut na Sepahijala bad 1 na South District.
