Tel Aviv, K’lyngkot:
U President ka Israel- u Isaac Herzog, ha ka miet Sngi Balang u la kyntu ia ka iing Myntri jong ka Israel ba kan ai jingmynjur noh halor ka jingsangeh iasiat hapoh nongbah Gaza.
Namar u la ong ba ka dei ka Israel hi kaba la pulom ha ka rukom ai jingiada ban kyrda na ka jing-wan thombor jong ka Hamas ha ka 7 tarik u Risaw jong u snem 2023. Namarkata, u la ong ba ka Israel ha kane ka kynti kam don lad da kumwei pat lait na ka ban mynjur ia katei ka jingtyrwa ba la wnrah ha khmat jong ka bad ba kan iasuk noh bad ka Hamas, hadien ba ka Hamas ruh ka la mynjur ban pyllait noh ia ki briew jong ka Israel kiba ka la rahbor sha Gaza naduh ba sdang jong ka jingleit hiar thma jongka sha Israel.
Namar u la ong ruh ba kane ka long ka rai ba kongsan tam ha kane ka por, naba la iohi ruh ba shibun tylli ki ri ki la poi sha ki daw jingiakynad bad ki la iathud tang namar ka thma jong ka Israel bad kumta ka long kaba donkam ruh ban pynkut noh shi syndon ia ka thma khnang ban lait na ki jingma kiba ap ia ka pyrthei baroh kawei hadien- habud.
