Beijing, K’lyngkot:
Ka China ha ka Sngi Thohdieng ka la pyntip ba u President, Xi Jinping un phah ia u Vice-Prsident Han Zheng ha ka jaka jong u ban leit sha United States bad ban sakhi ia ka jingpynbam smai ia u President ba thymmai ka US- u Donald Trump.
U Trump, uba la jop ia ka ilekshon President jong ka US ha ka sien ba ar ha u Naiwieng mynshem snem, un sa bam smai ha kane ka Sngi Nyngkong ban long noh u President ba thymmai jong ka US naduh u Kyllalyngkot mynta u snem.
Kumta, ka tnat kam bar ri jong ka China ha ka Sngi Thohdieng ka la pynbna ba u Xi u la jied ia utei u Vice-President jong ka ri ban leit iadon bynta ha ka jingpynbam smai ia u Trump ha kane ka taiew ban wan.
