Jerusalem, K’lyngkot:
Ka tnat aiñ jong ka Israel ha ka Sngi Thohdieng ka la pyntip ba kan pyllait ia ki 737 ngut ki koidi kiba ka la kem bad bat baroh shi katta kum shi bynta ban pyniaid ia ka kam ha ka jingpyllait briew jong ka bynta ba nyngkong ka jingiakut ban sangeh iasiat bad ban ia pyllait briew markylliang bad ka Hamas ruh kan pyllait noh ia ki briew jong ka Israel kiba ka la bat baroh shi katta naduh ba sdang jong ka thma.
Namar la ong ba ka iing Myntri jong ka Israel, ha ka step Sngi Saitjaiñ ka la ai jingmynjur ia ka jingtyrwa ban sangeh iasiat noh bad ka Hamas hapoh ka nongbah Gaza. Kumta ruh la ong ba katei ka jingpyllait briew ha kane ka sien kan long ruh ka bynta ba nyng-kong jong ka dak iasuk hapdeng ka Hamas bad ka Israel hadien ba ka thma jong kine arliang mamla ka la ïaid la kumba shi snem tam.
Namar ka Israel ha kine ki khyndiat por ba la leit, ka la dep pyllait ia ka thup kyrteng jong 95 ngut ki nong Palestine kiba don ha ka kti jong ka Israel, ha kaba bun ki dei hi ki long-kmie bad ki kynthei, ia kiba ka Israel kan sa pyllait noh bad aiti noh sha ka Hamas kum ka jingiakylliang bad ki briew jong ka Israel kiba la shah bat ha ka Hamas baroh shi katta.
