Shillong, K’Lyngkot 19
Ka sharak jong ka 6th Meghalaya Games 2025 kaba la ap khmih lynti kan poi ha Jowai ha ka 20 tarik mynta u bnai, kaba long ka jingkheiñ sngi kaba thikna sha katei ka lympung ïalehkai kaba heh hapoh ka Jylla.
Ïa kane ka sharak, kaba pyni ïa ka jingïatylli, ka jingïalehkai, bad ka mynsiem jong ka jylla Meghalaya yn rah sha Iungwalieh Lumkyrwiang. Yn buh ïa ka hangta da ka jingleh kmen bad yn pynlong ïa ki paidbah ban sakhi da la ki jong ki khmat naduh ka por 2 baje janmiet shaneng.
Kane ka jingïalehkai kan ailad ïa ki nongshong shnong jong ka Jowai ban sakhi bad lehkmen ïa ka jingsarong bad jingkmen kaba don sawdong ka Meghalaya Games.
Ka Meghalaya Games 2025 ka long ban wanrah lang ïa ki nongïalehkai na kylleng ka Jylla, ban ïakhun ha ki jait jingïalehkai bapher bapher bad ban rakhe ïa ka kolshor ïalehkai ba shlur jong ka Jylla. Kane ka lympung ïalehkai ka thmu ban ai mynsiem ïa ki samla bad ban kyntiew ïa ka jinglong ïalehkai, ka jingkoit jingkhiah bad ka jingïatylli.
