Ha ka por u Noah, u Abraham, u Moses bad U Aaron ki ju kñia ha u Trai da ki mrad ba kynsai. Hynrei mynta hana bym long shuh ban kñia da ki jait mrad. Te yn kñia ainguh Blei noh da ei pat ? Haba ki kñia mynshuwa U Trai u pdiang hun ïa ka jingkñia ainguh jong ki. Mynhyndai u Blei u pdiang ïa ka jingainguh thang da ki mrad kum ki blang ki masi.
Kumba u Blei u pdiang ïa ki jingainguh u Abel uba la wallam na kiba la kha nyngkong na ki mrad kiba sngaid ban kñia ainguh thang ha u Blei. Kumjuh ka jingkñia ainguh u Kain na ki jait soh u Ainguh ïa u Trai. U pdiang hun haba u ainguh da ki soh kiba met bad kiba plung. Kumjuh u Trai u la ong ïa u Abraham to shim mynta ïa u khun, u khun marwei jong me keiñ kum ka jingainguh thang ha u Blei. Ka jingainguh thang da ki mrad ïa pdiang hun da u Trai ha ki por mynshuwa bad u briew u dang ïoh ïa kren markhmat bad u Blei. U Blei u la ong ïa u Abraham to shim ïa nga ïa masi lud kawei kaba lai snem ka rta bad ka blang kaba lai snem ka rta ban ainguh ïa u Trai. Kane ka pynpaw ba u Blei u sngewbha ïa ka jingainguh bad ki rukom kñia kiba mynshuwa. Ka jingainguh thang da ki langbrot lane ki blang dei ban ainguh da ki shynrang kiba janai bha, ka jingkñia ainguh da ki masi dab da u shynrang uba janai khlem thohbria. Haba kñia ainguh da ki sim ruh dei ban ainguh da ki sohlyngem lane da ki khun lyngdkhur. Bad u Lyngdoh un wallam ïa ki sha duwan. Baroh ki jingkñia ainguh dei ban wallam ha khmat u Trai. Kane ka rukom ainguh dei ban wallam ha khmat u Trai ki kham bha ban ïa ka rukom duwai phirat mynta da ki nongïalam niam. Haba uno-uno u briew u wallam ïa ka jingkñia ainguh ha u Trai da ki mrad phin wallam keiñ ïa ka jingkñia jong phi da ki masi bad ki langbrot ha khmat u Trai. U Trai u pdiang hun ïa kum kine ki rukom kñia ainguh ha ki por mynbarim. Hato ka rukom ainguh ha u Trai kan kylla noh mynta. Mynta ki por ki ong bym dei shuh ban kñia da ki mrad ki mreng. Hato ka ktien u Blei ka kylla haba ki ong ka bymjukylla ?
C. B. Iawphniaw
