Shillong, K’lyngkot 22
Ka Langsning FC ka la wan phai da ka jingjop ha ka wat ba ar jong ka Shillong Premier League 2024, hadien ba ka lah ban pynliem noh ïa ka Nongrim Hills SC da 4-3 kol ha ka Sngi Balang ha SSA Stadium kaba ha First Ground, Polo.
Wat la kham ha shwa ka Nongrim ka la lah ban ïakhun tyngeh naduh kaba sdang, hynrei ka Lang-sning ka la lah ban kynjoh sha ka thong lyngba ki kol ba la thep da u Mecheal Roy Kurbah (38), Daohi-paia Rymbai (56 & 66) bad u Laldan-mawia (86P). Hynrei ka Nongrim Hills ka la lah ban thep kol lyngba ka hat-trick na u Alem Khongwir (25, 82 & 90+1).
Lah ban kdew ba kane ka long kum ka jingwan phai kylliang namar ha ka wat kaba nyngkong kaba la long ha ka 6 tarik u Nohprah 2024, ka Nongrim Hills ka la jop da 4-3 kol.
Kham ha shwa, ka jingïalehkai hapdeng ka Rangdajied United FC bad ka Nangkiew Irat SC ki la ïakhaid khlem don ba thep kol.
Kane ka jingjop kan kyntiew ïa ka Langsning ban ïoh 10 poiñ, hynrei ka la ïaisah ha kajuh ka kyrdan (phra) bad ka Rang-dajied (20 poiñ) ruh ka sah ha ka kyrdan balai. Ka Nangkiew Irat bad ka Nongrim Hills ki don mar 13 poiñ shwa mynta ka sngi, hynrei ka jingïakhaid ka la pynlong ïa ka Nangkiew Irat ban jam shi kyrdan (saw).
Ha ka Sngi Palei kan don tang kawei ka jingïalehkai hapdeng ka Laitkor SC bad ka Nongthymmai SC ha ka por 2:30 mynsngi. Ka Nongthymmai ka la lah ban pynliem teng ïa ka Laitkor da 3-1 kol ha ka wat kaba nyngkong kaba la long ha ka 4 tarik u Naiwieng mynshem snem.
