Shillong, K’lyngkot 23
Ka shlem treikam u Deputy Commission Ri Bhoi District ha ryngkat ka jingïatrei lang bad ka shlem treikam u Block Development Officer bad District Sports Officer, kin pynlong ïa ka jingïakob mareh kaba 6 kilometre ba la tip kum ka National Voters Day Run ha ka Sngi Saitjaiñ ha ka por 6:30 mynstep.
Kane ka jingïakob mareh kan sdang na madan jong ka Jirang Govt. HSS bad pynkut ha madan jong ka Patharkhmah Govt. HSS. Ka tarik khatduh ban pynrung kyrteng kan long ha ka 24 tarik ha ka shlem treikam u BDO Jirang. Na ka liang ki bor pynïaid ki la pynkhreh ruh ïa ki khusnam da ki song pisa na ka bynta ki nongjop ha ka kyrdan ba nyngkong, ba-ar bad ba lai, lem bad ki nongshim bynta kiba dang khynnah bad tymmen tam.
