Shillong, K’lyngkot 24
Ka PSA Manipur ka la ïoh jingjop ha ka lympung ïalehkai Maitsha-phrang Cup 2025 ba la pynïaid da ka KSU Umsning Circle, hadien ba ka la lah ban pynliem noh ïa ka Mawtari Myrdon S&CC da 2-1 kol ha ka Sngi Thohdieng ha madan Umsning.
Kane ka nam jop ka la wan urlong lyngba ki kol ba la thep da u Nongdam (13) bad u Krishna (17), katba na ka Mawtari Myrdon ka la lah ban pynphai kylla lyngba u Rudulf Shadap (45).
Ïa kane ka lympung la sdang mynta u bnai ha kaba la wan shim bynta da ki kynhun ïalehkai bapher-bapher kumjuh kiba nabar jylla. Ka khusnam ha kane ka lympung kan long T. 5 lak na ka bynta ka kynhun ka ban khur ïa ka nam lahduh bad kaba wan ba-ar kan ïoh T. 2 lak nalor ki khusnam shimet.
