Shillong, K’lyngkot 27
Ka Meghalaya State Olympic Association (MSOA) ka la ai khublei kitbok ïa ki nongïalehkai ka Jylla ban leit shim bynta sha ka 38th National Games ka ban long Uttarakhand.
Ha kane ka lympung ïalehkai kaba heh duh jong ka ri ka ban sdang naduh ka Sngi Ba-ar (26 tarik) bad kut haduh 14 tarik u Rymphang. Ka Jylla ka la phah ïa ki nongïalehkai ban shim bynta ha khyndai tylli ki jait jingïalehkai. Kine ki kynthup ïa ka Shooting, Athletics, Judo, Archery, Rowing, Wushu, Aquatics, Canoeing & Kayaking bad ka Boxing.
Ki nongïalehkai ha ka Shooting ki long u Mannat Yadav, Abhimanyu Shooting, ka Toïaibha Mylliempdah, Shirley Mary Kharbuli, Kopal Dubey, Balarishisha Rani, Mawdaker Mar-weiñ, Matish Kumar bad u Anthony Lakiang. U Kyrshanlang Shylla un shim bynta ha ka Athletics bad u Pleasantly Synnah kum u coach. Ha ka Judo yn shim bynta da u Rahul bad u Dipak Mallick kum u coach.
Ha ka Archery ym shym bynta da u Devraj Mohapatra bad ka Kong Bansaralin Dhar kum ka coach. Ha ka Rowing yn shim bynta da u Jagseer Singh, ka Devika S Nair, Nidhi, Mejlen Minj, Mayengbam Merina Devi, P Nandni, B. Anandhi, Sahil, Daniel Ïawphniaw, Ajay, Mangal Singh, Eliciana Ibaphiker Lyngdoh, Reena Kumari Rowing, Mayengbam Ceiya Devi, Akhom Monika Devi, Kiran Devi, Jessica G Momin, Christina Khongwir bad u Takhellambam Motilal Singh.
Ha ka Wushu yn shim bynta da ka Espiranza Stela Songthiang, u Kyrshanbor Romeo Songthiang lem bad u Niawki Ïakai. Ha ka Aquatics ki long u Mebankitboklang Banai, Banraplang Marbaniang, ka Pdiangsuklang Syngwan lem bad ka Ilarisuk Youroi.
Ha ka Canoeing & Kayaking yn shim bynta da u Pynshngaiñ Kurbah, Indra Sharma, ka Elizabeth Vincent lem bad u Vikash Rana. Yn coach ïa kane ka kynhun da u Ian Stuart Vincent.
Ha ka Boxing ki long ka Sonia Tamang, Banisha Makri lem bad u Badonkupar Synnah, katba u Bah Larry Kharpran kum u coach. Ha ka Aquatics yn shim bynta da ka Cheerleen M.K Nongkynrih bad u Wankisor Chyne.
Ki nongmihkhmat na ka MSOA sha katei ka lympung ki long u General Secretary Bah Finely Lad Pariat bad u Working President Bah John Filmore Kharshiing.
