Dehradun, Kyllalyngkot:
U MLA barim u Pranav Singh Champion u la shahkem ha ki pulit ka Haridwar halor ka jingkynnoh ba u la siat ïa ka ophis treikam jong u MLA ka Khanpur u Umesh Kumar, ong ka khubor ba la ïohlum.
U Champion u la shah bat ha ki pulit jong ka Doon bad la buh ïa u ha Nehru Colony Police Station shwa ban rah ïa u da ki pulit jong ka Haridwar, la ïathuh ki pulit, ong shuh shuh ka khubor.
Une ba la shah kynnoh u la siat ha ka por mynsngi ïa ka ophis treikam jong u Umesh Kumar.
Ki dur na katei ka jaka ki pyni ïa ar tylli ki thliew kuli ha ka jingkhang ïit jong ka ophis treikam bad ki dak kuli ha ka kynroh ruh.
“Ha ka jingsiat ha ka por mynsngi da u MLA barim u Pranav Singh Champion ha ka ophis treikam jong u MLA ka Khanpur ha Roorkee jong ka Haridwar distrik, ki pulit ka Haridwar ki la kem ïa u Pranav Singh Champion na Nehru Colony Police Station ha Dehradun. U la shah bat ha ki pulit ka Doon bad la buh ïa u ha thanat pulit jong ka Nehru Colony,” ong u Superintendent of Police, u Pramod Kumar, la ïathuh shuh shuh ka tyllong khubor.
U Senior Superintendent jong ki pulit u Pramendra Singh Dobal u la kdew ba ki pulit ki la shimkhia hadien ba ka durkhih jong katei ka jingshah siat ka la saphriang ha ki Social Media, la ïathuh shuh shuh ka tyllong khubor.
“Ka durkhih jong ka jingshah siat ha ka ophis treikam kaba don ha ka jaka sah jong u MLA Umesh Kumar da u MLA barim u Kunwar Pranav Singh Champion ka la saphriang bha…Ki pulit ki la shimkhia ïa kane bad kino kino kiba donkti kin ngat ha ki kyndon aiñ kiba la buh,” la ïathuh ka tyllong khubor.
Ha kajuh ka por, ka long kaba donkam ban tip ba ka kurim jong utei uba la shah kynnoh, ka Rani Devrani Singh ka la kynnoh ba u Umesh Kumar u la poi ha ka jaka sah jong ka ha Roorkee’s Landhora da ki lai tylli ki kali bad u la pynmih ïa ka jingkulmar ha ka 25 tarik, Kyllalyngkot, hadien kata ka jingjia jong ka jingshah siat ka la jia, ong ka tyllong khubor.
Ki pulit ki la buh jingmudui ruh ïa ka mukotduma katkum ka jingujor jong ka Rani Devrani Singh ha Civil Line Police Station kaba don ha Roorkee.U MLA u Umesh Kumar ryngkat ym duna ïa ki 24 ngut ki nongkyrshan jong u ki la shahkem hapoh ki kyndon bapher bapher hadien ka jingujor jong u Rani Devrani Singh, ong ka tyllong khubor.
