Nongstoiñ, K’lyngkot 29
Ka Nongstoiñ District Sports Asso-ciation (NDSA) ka la sdang ïa ka lympung ïalehkai NDSA Premier League Football Tournament 2014-25 da ka jingïalehkai jong ka Third Division ha ka Sngi Balang ha madan NDSA, ha Nongpyndeng, West Khasi Hills.
Ha kane ka sngi sdang ïa kane ka lympung, ka Nongrim Mawkhar ka la ïoh jingjop hadien ba ka la lah ban pynliem noh ïa ka Tynrong-wahlade da 2-0 kol. Kumjuh ka Mawkadiang SC ka la jop da 1-0 kol ïa ka Lailad SCC.
Nangta ha kawei pat ka jingïakhun, ka Mawlangkhar SC ka la pynliem noh ïa ka Byrki SC da 3-0 kol bad ka Swahmawiong FC ka la jop da 1-0 kol ïa ka Khliehkadong FC.
Lah ban kdew hangne ba ha kane ka lympung ïalehkai Third Division mynta ka samoi ki don haduh 33 tylli ki kynhun kiba la wan ïashim bynta ha kaba la phiah sha phra tylli ki group bad ha ka Second Division pat ki don 11 tylli.
Ha kane ka sngi plie pyrda ïa kane ka lympung, la ïadon lang ruh ki nongkitkam ka NDSA, ki ‘riew rangbah, ki nongkitkam na ki klob bapher-bapher bad kiwei-kiwei.
