Nongstoiñ, Rymphang 04
Ka Nongstoiñ Football Team kaba dei ka kynhun kaba dang shu ïoh jaka ïalade ha ka Super Division jong ka NDSA Premier League Football Tournament 2024-25 ka la ïoh jingjop ha ka sngi plie pyrda ïa kane ka lympung hadien ba ka la lah ban pynliem noh ïa ka lahduh jong ka aïom ba la dep ka Khliehmawlieh YC ha ka Sngi Ba-ar ha madan New Nongstoiñ.
Kane ka nam jop jong ka Nongstoiñ FT ka la wan ruh lyngba ki ar kol ba la thep da u Banshyn-shar Ïawphniaw ha ka minit kaba 38 jong ka kylla step bad u Dadap Marweiñ ha ka minit 77.
Ha kane ka sngi plie pyrda ïa kane ka lympung la ïadon lang u Bah Mt. Gordon Marngar, General Secretary ka NDSA, u Bah B.S. Kharlor President ka NDSA kum u kongsan, u Dr. Lumbor Mawsor, Chair -man Football Committee, Bah H.D. Lyngdoh, Chairman Referee Committee ka NDSA, bad u Bah Peterbok Nongsiej, Secretary Referee Committee
Lah ban kdew hangne ba ha ka lympung ïalehkai Super Division ka NDSA mynta ka samoi ki don 10 tylli ki kynhun kiba la wan shim bynta. Kine ki kynthup ïa ka Khliehmawlieh YCC, Nongstoiñ FT, Pyndengrei SCSC, Mawka-wah SC, Mawlarshong SC, Sawlad SC, Tiehsaw-pengkyllut, Mawliehbah SC, Mawïong Pyndengrei bad ka Upper New Nongstoiñ.
