Guwahati, Rymphang:
Ka sorkar Assam, ka la palat liam ha kaba ïadei bad ka thong thungkam, kaba la buh, ha kaba ki la don 1,15,000 ngut haduh mynta. U Myntri ka tnat Pule Puthi u Ranoj Pegu u la sam ïa ki shithi thungkam sha ki Assistant Professor ba dang shu thung thymmai ha ki kolej Engineering jong ka jylla, kaba la pynkhlaiñ shuh shuh ïa ka tnad pule puthi jong ka jylla.
U Myntri Pegu u la ban jur ïa ka jingjop, da kaba ong, “Ka sorkar Assam ka la palat ïa ka jingkular jong ka ban ai kam 1 lak ngut. Mynta ka sngi, ngi la poi sha ka 1,15,000 tylli ki jingthung kam bad sam shithi sha ki Assistant Professor ha ki State Engineering College.”
Kane ka jingpynrung kam ka dei shi bynta jong ka jingthmu jong ka jylla ban kyntiew ïa ki lad pule puthi bad ban pynmih ïa ki samla pule kiba tbit, kiba la pynkhreh na ka bynta ka kam karkhana. Hapoh ka jingïalam jong u Myntri Rangbah ka jylla u Himanta Biswa Sarma, ka jingpyrkhat jong ka sorkar halor ka jingthaw kam thaw jam ka dang bteng ban pynkhih ïa ka jingkiew ha ka liang ka pule puthi bad ka ïoh kam ïoh jam jong ka Assam.
