Washington, Rymphang:
U President ka U.S. Donald Trump ha ka Sngi Balang u la pynbna ba u kwah ban don ka jingïakren bad baroh ar ngut ki President jong ka Russia bad Ukraine, kynthup ia u President jong ka Russia Vladimir Putin bad u President ka China Xi Jinping halor ka jingbuh pud ïa ki tiar thma nuclear jong ki.
Haba jubab ïa ki jingkylli jong ki nongthoh khubor ha ka Oval Office, u Trump u la ong ba ka jingpynduh ïa ki tiar nuclear kan long ka thong ha ka samoi treikam ba ar jong u.
Ka Russia, ka la maham ruh ha ka Lah Sngi U Blei ba ka jingkhmih lynti ban pynjlan ia u mawjam ba khatduh, uba dang sah jong ka jingpyniaid ia ki tiar ialeh nuclear hapdeng ka Moscow bad ka Washington, ki ar tylli ki ri nuclear ba heh tam ha ka pyrthei, kam i kumba ka long kaba don jingkyrmen bad ba ka jinglong jingman, ka i kumba ka la sahkut.
Ka jingiateh ba thymmai ban pynduna ia ki tiar ialeh lane ka New START, kaba buh pud ia ka jingdon jong ki tiar ialeh ba kongsan ba ka ri America bad ka Russia ki lah ban pyndonkam, bad ka jingpyndonkam ia ki namding bad ki liengsuin pynbthei bom kiba don ha khyndew bad hapoh um ban pynpoi ia ki, ka dei ban kut noh tang hapoh shisnem – ha ka 5 tarik u Rymphang jong u snem 2020.
U Trump, haba kren sha ki nongthoh khubor ha Oval Office, u la ong ba u kyrshan ia ki sienjam ban pynduh ia ki tiar ialeh nuclear bad kam don daw ban shna ia ki tiar ialeh nuclear.
Ka America, hapoh ka jingsynshar ba ha shuwa jong u Trump, u President ha katei ka por, u Joe Biden, ka la pynbor ia ka China, ba kan pynpra noh ia ka jingpyrshah kaba la slem bha, ia ka jingiakren halor ki tiar nuclear, tangba kam shym la myntoi satia.
U Trump, u la ong ba un sa bishar bniah biang ia katei ka mat, da kaba sdang da ki jingiakren bad u Putin bad u Xi, bad kaba lah ban long, un leit sha ka jingialang kaba lai liang.
Um shym la ai por kyrpang na ka bynta kine ki jingiakren, hynrei u la ong ba u ngeit ba shen hi un sa ioh ban iakren noh bad kitei ki nongialam jong kitei ki arliang ri ban iatreilang katkum ka jingiakut ba la wanrah.
