Shillong, Rymphang 17
Ka lympung ïalehkai First Division Shillong Cricket League 2024-25 ka la nangjam shaphrang ha ka lah sngi U Blei ha kaba ka Metallica CC ka la pynliem noh ïa ka Khalsa Warriors da 2 wiket.
Ha kane ka jingïakhun kaba la long ha madan Polo, ka Khalsa Warriors ka la kam trai ban tied nyngkong ha kaba ka la ïoh 139 run bad shah pynhap 10 wiket ha ki 36.1 over. U Jitu Gogoi u la tied 35 run na ki 74 bol bad u Karan Jaiswal u la ïoh 18 run na ki 27 bol. Katba u Ashish Gurung bad u Sidddharth Das ki la shim mar 3 wiket.
Haba wan shimti ïa ka pali ba ar, ka Metallica ka la lah ban kynjoh sha ka thong da kaba ïoh 140 run bad shah pynkhyllem 8 wiket ha ki 38.3 over. U Dipayan Nandi u la tied 37 run na ki 56 bol bad u Nikhil Thapa u la ïoh 34 run na ki 50 bol. Katba u Sawan Singh u la shim 4 wiket bad shi wiket da u Rahul Singh. Ïa ka nam ‘Man of the Match’ la ïohpdiang da u Ashish Gurung uba la tied 14 run bad shim 3 wiket.
