Shillong, Rymphang 18
Ka Sporting Cricket Club ka la pynliem noh ïa ka Sputnik Spartan da 1 run na ka bynta ban ïoh jingjop ha ka Super Division Shillong Cricket League 2024-25 ba la pynïaid da ka Shillong Cricket Association ha ka Sngi Ba-ar.
Ha kane ka jingïakhun ka Sporting ka la jop kynting pisa bad shimti shwa ban tied nyngkong ha kaba ka la ïoh 197 run bad shah pynkhyllem 10 wiket ha ki 41.2 over. Kane ka la wan urlong lyngba ka jingïalehkai bha u Avinash Rai uba la ïoh ban khyrwit ïa ka shiteng spah kaba 72 run na ki 86 bol lem bad u Suraj Chettri uba la ïoh 33 run na ki 41 bol. Katba u Dilwar Khan u la shim 4 wiket bad 3 wiket na u Tarjinder Singh.
Haba wan beh ïa ka thong, ka Sputnik Spartan ka la ïoh tang 196 run bad shah pynkhyllem 10 wiket ha ki 42 over. U Supriyo Chanda u la tied 40 run na ki 49 bol bad u Kishlay Vishlux u la ïoh 35 run na ki 73 bol. Katba u Indrajit Rai bad u Sachin Kumar ki la shim mar 3 wiket. Ïa ka nam ‘Player of the Match’ la ïohpdiang da u Sachin Kumar uba la tied 20 run bad shim 3 wiket.
