Jakarta, Rymphang:
Ka tnat Geological Survey ha ka Sngi Balang, ka la pyntip ba u jumai uba khlaiñ haduh kumba 6 Magnitude, u la pynkhynñiuh ïa ka dew lynnong Sulawesi ha ka jing jylliew kaba haduh 10 Kilometre lane 6.2 Miles.
Katei ka tnat ba dei khmih ïa ki bor ka mariang, ka la pyntip ba ka jingwan jong utei u jumai ha katei ka step kam shym la pyni dak ne ai dak eiei kum ba ju long lyngba ka ‘eriong lane u slap haba mut ban wan u jumai.
Hynrei la ong ba katei ka bynta jong ka ri Indonesia, ka ju ïoh mad khari- khari ïa u jumai naduh ki jumai ba tlot haduh kiba khlaiñ bor namar ba katei ka ri ka don ha ka bynta kaba long kloi bha ban ïoh mad ïa ki bor jong ka mariang khamtam ïa u Jumai, namar ka jingdon jongka ha ka bynta kaba ju khot ka ‘Ring of Fire’.
