Ka Baibl ne ka ktien u Blei ka kren shai ba u Blei um long u Blei kiba ïap hynrei jong kiba im. Kumta ngi dei ban sngewthuh ba kiba la ïap kim ïoh Blei shuh namar ki la duh ïa ka mynsiem. Namar ka Baibl ka ong u Blei u long u Mynsiem.
Ka ong ruh wat khmih hangne lane hangtai naba ha khmih ka hima jong u Blei ka long hapoh jongnga jongphi (Loukas 17 : 21). Naba u briew un myntoi aiu, lada un ïoh ïa ka pyrthei baroh bad un duh noh ïa ka mynsiem. Hangne ruh ngi dei ban sngewthuh lada ngi duh ïa ka mynsiem ngi la duh ïa u Blei keiñ. Namarkata ka dei keiñ ïa kiba ïap ban ym ïoh ïa u Blei, namar ki la duh noh ïa ka mynsiem.
Ka Baibl ka ong ruh. te ym don uba la leit kiew sha bneng hynrei tang uta uba la wan hiar na bneng (Ioannis 3 : 13). Kane ka pynshisha ba kiba la ïap baroh ym don kiba la ïoh leit sha bneng kumba ngeit ma ngi ki briew. Namar baroh ki la shah tep hapoh ka dewmet.
Ka Baibl ka ong, ruh hynrei ka por ka jia bad ka long mynta keiñ haba ki nongmane Blei kiba shisha kin ïa mane ïa u kpa ha ka mynsiem bad ha kaba shisha, naba u kpa ruh u wad ïa kiba kum kita ban ïa mane ïa u (Ioannis 4 : 22). Ban mane bad ïaroh khleh biej u Blei um sngewtynnad ïa kiba ïa mane ïa u. Ngi dei ban mane ïa u Blei hapoh ka mynsiem ym ha ka rongphong bakynja doh..
C. B. Iawphniaw
