Ranchi, Lber:
Ki la don kumba lai ngut ki pulit ka tnat CRPF kiba la mynsaw ha ka jingbthei bom IED ha Jharkhand West Singhbhum distrik ha ka sngi Balang, la ïathuh ki pulit. Ïa u shipai uba la mynsaw la pynkit da ka liengsuiñ sha Ranchi na ka bynta ka jingsumar, ki la ong.
Katei ka jingjia ka la jia ha Baliwa ha ki khlaw Saranda kiba don hapoh u pud u sam jong ka thanat Manoharpur ha kaba ki shipai jong ka CRPF 197 Battalion ki la leit sha katei ka jaka ban pynlong ïa ka jingleit khynra, la ïathuh u DIG ka Kolhan u Manoj Ratan Chothe.
“U bom IED u la bthei ha ka por ba la pynlong ïa ka jingleit khynra bad lai ngut ki shipai langrut ki la mynsaw. La pynkit ïa ki da ka liengsuiñ sha Ranchi,” u la bynrap.
