Imphal, Lber:
U MP ka Inner Manipur Dr. Angomcha Bimol Akoijam ryngkat ka kurim jong u ka Olivia Thounaojam ki la leit ban ïakynduh ïa u Lat ka jylla ban ïakren halor ka jingeh kaba dang ïai bteng ha kane ka jylla bad ban wad ïa ki lad ki lynti ban wanrah biang ïa ka shongsuk-shongsaiñ.
Ha kane ka jingïakynduh, u Dr. Bimol Akoijam u la pynpaw ïa ka jingeh ha ka liang ka pisa tyngka na ka jingeh bad kyntu ïa u Lat ban pyrkhat ïa ki lad mang tyngka ban weng ïa ki.
U la pynpaw ruh ïa ki jingsngewkhia halor ka jingtlot jong ka bynta ki pulit Manipur, da kaba pynksan ba, hapoh ka riti synshar, ki pulit jylla ki dei ban long ka bor ba kongsan ban pynneh pynsah ïa ka shongsuk-shongsaiñ, katba ki bor pdeng kum ki CRPF, ki shipai, bad ki shipai ba kyrpang ki dei ban leh tang ïa ka bynta ba kyrshan. U la khot ban pynphai biang bad pynkhlaiñ ïa ka jinglong hok bad ka jinglah jong ki pulit Manipur.
U Dr. Bimol Akoijam u la ban jur ïa ka jingdonkam jong ka rukom pynduh tiar ïa aleh kaba hok bad kaba ïahap ha kylleng ki jaka lum bad them jong ka jylla. U la pdiang sngewbha ïa ka rai jong ka sorkar ban pynthikna ïa ka jingïaid laitluid jong ki briew ha ki surok bah bad kyntu ban leh tyngeh ban ïakhun pyrshah ïa kino kino ki jingeh kiba khanglad ïa kane ka jingpyntreikam.
