Grimsby, Lber:
Uwei u briew u la jah ha ka Sngi Nyngkong hadien ba ka jhaj kit mar ka la tyngkhuh bad kawei ka jhaj kit mar jong ki shipai US kaba kit umphniang ha ka duriaw -bah North Sea. Kane ka jingjia ka la wanrah ïa ka jingsngewkhia halor ka jinglong-jingman jong utei uba dang jah ha katei ka duriaw jong ka UK.
Da ki phew ngut ki briew ki la shah pyllait im ha ka jingkhynra kaba heh kaba la pynïaid da ki shipai rud duriaw jong ka UK namar ki dur ki pyni ïa ka tdem bah kaba lynguh bha kaba rben bad kaba lieh bad ki thylliej ding kiba kiew na katei ka jaka kaba jngai kumba 16 kilomitar na ka rud duriaw ba shatei lam mihngi.
Ka lieng kit mar jong ka Stena Immaculate ka la sahkut harud duriaw jong ka North Sea hajan Hull bad ka la shah tynrah ha ka lieng kit mar Solong ha katei ka por.
Ka Stena ka don ha ka jingiateh ba lyngkot jong ki shipai US bad ka Military Sealift Command, katkum ka jingong jong ka Jillian Morris, ka nongaiktien jong katei ka kynhun kaba pyniaid ia ki lieng kiba don ki riew paidbah kiba pynbiang ia ka jingkit jingbah ha duriaw na ka bynta ka tnad iada ri jong ka US.
U Crowley u la ong ba ka jingktah jong ka jingshah tynrah ka la “pynpait” ia ka lieng kit umphniang “kaba don ia ka umphniang A1-jet” bad ka la pynmih ia ka ding, ha kaba ka umphniang “la iathuh ba la pyllait”.
Ka dei kaba kit kumba 220,000 top ka umphniang katba ka Solong pat ka kit 15 tylli top umphniang sodium cyanide, ong ka tnat ai jingtip jong ka Lloyd’s List, hynrei ym shym la tip la don ne em na katei ka umphniang ba lah ban kem ding, kaba la tuid.
Ia ki 13 ngut napdeng jong kitei 14 ngut ki nongtrei jong ka Solong la ioh ban tan noh sharud duriaw bad ki jingpyrshang ban wad ïa u nongtrei ba dang jah ka dang ïaid shakhmat, la ong ka kyrwoh na u trai jong ka lieng uba sah ha Germany, u Ernst Russ.
