Washington, Risaw:
U President ka America, u Donald Trump, ha kane ka kynti u la ong ba kan kham bha ïa ka Ukraine ba kan buh noh da uwei pat u nongialam lane u nongmihkhmat ban iakren iapynbeit ïa ki kam sangeh thma bad ka Russia, ha ka jaka jong u President Volodymyr Zelensky.
“Lehse ka la dei ka por ba u Zelenskiy un buh da uwei pat u nongiakren ban iakren bad ka Russia”, la ong u Trump uba ha ka 10 tarik u Risaw u la kyntu ïa ka Ukraine ban bujli noh ïa u President jongka.
U Trump u la ong ruh ha ki nongthoh khubor ba ka Russia ka la leh bha haduh katta ïa ka Ukraine bad ka la pyrshang ban pynbha ïa ki kynrum- kymram baroh. Hynrei, “Kim shym la leh ei ei,” u la ong.
U Trump u la bynrap shuh shuh ba ka US ka dang ïai bteng ban ïasam jingtip bad ka Ukraine bad u la ong ba un pyrkhat ban ailad ïa ki nong Ukraine ban sah ha US hapoh ka jingïada ba kyrpang ba shipor katba ka dang neh ka thma.
