Balochistan, Lber:
Da ki spah ngut ki la shah pyllait im na ka rel ba la shah rahbor ha ki lehnoh ha Pakistan ha kaba 16 ngut ki lehnoh pat ki la kyllon iap ha katei ka jingjia. Kane ka la jia ha ka nongbah Balochistan jong ka Pakistan, ha kaba katei ka rel ka dei kaba kit ia kumba 400 ngut ki nongleit jingleit hapoh.
Kumta la ong ba ki bor pahara ki la ioh ban pyllait im noh ia ki 104 ngut kiba shah bat ha katei ka kynhun lehnoh ha katei ka sngi, kynthup ia 58 ngut ki rangbah, 31 ngut ki kynthei bad 15 ngut ki khyllung- khynnah.
Ha katei ka sngi, ka la mih ka jingiakhun ba tyngeh hapdeng ki lehnoh bad ki bor pahara tad haduh ba kitei 16 ngut lehnoh kin da kyllon iap bad ki bor pahara ki la ioh ban pyllait im noh ia kitei ki ‘riew paidbah ba shah bat hapoh ka rel baroh.
