Tokyo, Lber:
U Myntri Rangbahduh ka Japan, Shigeru Ishiba, u la panmap ha ka Sngi Palei, namar ba u la ai ïa ki jingai sngewbha sha katto-katne ki nongthaw aiñ jong ka seng synshar jong u, naba la ong ba kane ka lah ban pynmynsaw ïa ka jingmynjur jong ka sorkar jong u, kaba la duna lypa bad kaba lah ban pynslem ïa ka jingmynjur ïa ka mang tyngka jong u snem mang tyngka ban wan.
Ka jingbym thikna ha ka saiñ pyrthei ka lah ban buh jingartatien ïa ka jinglong nongïalam jong u PM Ishiba hashwa ka ilekshon ïingdorbar ba la buh ban long ha u bnai Naitung bad ka wan ha ka por ba ka ïoh ka kot jong ka Japan ka ïakynduh ïa ki jingeh na ka thma khaii pateng kaba nang jur kaba la wanrah jingkylla da u President ka U.S.
Haba kren hapoh ka iing dorbar, u PM Ishiba u la ong ba u la pyndonkam ia ka “pisa tyngka” ban sam ia ki jingai sngewbha sha ki 15 ngut ki nongthaw aiñ jong ka Liberal Democratic Party (LDP) shwa ban iabam ja miet bad ki ha ka 3 tarik u Lber kum ka “jingpynpaw ia ka jingsngewnguh” naka bynta ka jingtrei shitom jongki ban pynioh ia ka jingshaniah jong u paidbah bad ban shah jied sha ka iingdorbar thaw-aiñ.
