Washington, Naiwieng:
U President ka America, u Donald Trump, u la don ka jubab kaba lyngkot bad kaba jrong haba la kylli, hato ka thma ha Iran, kaba ka US, ka la sdang ryngkat bad ka Israel, ha u bnai February, ka dei ka daw jong ka jingshah rem jong ka Republican Party jong u, ha ka ilekshon shiteng samoi ha ka Sngi Balang.
“Ka long kaba shisha bha”, u la ong, haba u nongthoh khubor ha White House u la kdew ïa ka jingthoh jong u Vice President JD Vance hapoh ka rynsan ‘X’ ba “ka daw ba ngi la shah rem noh ha kane ka ilekshon ka dei namar ka thma”. U Vance u la ong ba bun ki nongthep vote kiba la kyrshan ïa u Trump ha ka ilekshon jied President ha u snem 2024 ki la iehnoh ïa ka seng Republican namar ka jingsngewsih halor ka jingïakynad ha Middle East.
U Trump u la bud hadien da ki jingpynshitom kiba kham jrong. “Nga tharai ba ka long kaba shisha shibun namar ka la pynkiew khyndiat ïa ka dor jong ka umphniang kali ha ka por kaba lyngkot,” u la ong shaphang ka Iran kum ka daw. “Ha kajuh ka por, lada nga hap ban leh biang” u la bynrap, kumba ka paw u kren shaphang ki jingiakhih ha ka ri.
“Namar, ha ka por ba jngai, kata ka dei tang ka jubab. Phi lah ban ailad ïa ka Iran ban don ïa ki tiar nuclear,” u la kynthoh, da kaba bynrap, “Lane baroh kaba phi ïohi hangne, ha kawei ka sngi ka lah ban ym don. Lehse kane ka kamra ka lah ban long tang ma ka kaba don,” da kaba kdew sha ka kamra ïalehkai ba dang shna shaphang kaba u la ai ïa ka jingïakren kaba 20 minit sha ki nongthoh khubor shwa ba un ai ïa ka jingïakren kaba 20 minit. ki por pdeng.
“Katba iadei bad ka thma Iran, ngam shym la leh ei ei kaba pher”, u la ong ha kawei pat ka jingkylli hadien.
U la ong ba ki Democrats, kiba synshar mynta ïa ka US Congress, kim dei ban long kiba “pynjot”. U la kdew ïa ka “jingpyrshah” kaba u don kum u President halor ka bor jong ka iing dorbar thaw ain ban pynkylla ïa ka polisi — ka jingmaham kaba u la bynrap bunsien ha ka por ilekshon ruh.
