Shillong, Lber 16
Ka NFU Cricket Club ka la pynliem noh ïa ka Lumpyngngad CC da 5 wiket na ka bynta ban ïoh jingjop ha ka Super Division Shillong Cricket League 2024-25 ba la pynïaid da ka Shillong Cricket Association ha ka Sngi U Blei.
Ha kane ka jingïakhun kaba ka long ha madan Polo, ka Lumpyngngad ka la kam trai ban tied nyngkong ha kaba ka la ïoh 136 run bad shah pynhap 10 wiket ha ki 30.3 over. U Rajib Ray u la tied 33 run na ki 23 bol bad u Prashant u la ïoh 21 run na ki 30 bol. Katba u Purajit Mandal u la shim 5 wiket bad 4 wiket da u Akash.
Haba wan shimti ïa ka pali ba ar, ka NFU ka la lah ban kynjoh sha ka thong da kaba ïoh 137 run bad shah pynhap 5 wiket ha ki 32 over. U Akash u la tied 44 run na ki 39 bol bad u Purajit Mandal u la ïoh 22 run na ki 51 bol. Katba Vishal Balmiki u la shim 2 wiket bad shi wiket da u Nitin Gupta. Ïa ka nam Player of the Match la ïohpdiang da u Purajit Mandal uba la tied 22 run bad shim 5 wiket.
