Shillong, Lber 18
11 ngut ki nongïalehkai kickboxing ka Jylla hapoh ka lama jong ka Meghalaya State Kickboxing Association ki la mih na ka nongbah Shillong ban leit shim bynta ha ka Kickboxing India League Pro Open National (Low Kick, Full Contact & K1) ka ban long ha Siliguri, West Bengal naduh 17 haduh 19 tarik mynta u bnai.
Kine ki kynthup ïa 4 ngut ki kynthei bad 7 ngut ki shynrang ha kaba la ïalam ïa ki da u General Secretary u Bah Fourwell Khongmalai lem bad u Coach Bah Bantiplang Khongwir.
Kine ki nongïalehkai ki kynthup ïa ka Careen Judy Kharkamni (- 52 kg Full Contact), Indahun Ïawphniaw (- 48 kgs Low Kick), Ibankyntiew Ïangrai (- 48 kgs Low Kick), Daniella I Wanda Mylliemngap (- 60 kg K1 Rules), Winningstar L. Nonglait (- 48 kg Low Kick), Raymond Jyrwa (- 48 kgs Low Kick), Shanlang Khongsit (- 51 kg Low Kick), Shailesster Mylliem (- 51 kgs Low Kick), Obadaiah Kelphung (- 54 kg Full Contact), Fedrick Khongsit (- 54 kg Full Contact) bad u Juh Pa U Juh Nongtdu (- 60 kg K1 Rules).
